اسلام آباد /پشاور(نیوزڈیسک)وزیر اعلیٰ خیبر پختونخوا پرویز خٹک کی جانب سے صوبائی حقوق کیلئے دھرنے کے معاملے پر اپوزیشن جماعتیں تقسیم ہو گئیں۔ اے این پی نے شرکت کی حامی بھر لی تاہم (ن )لیگ نے انکار کر دیا۔ عمران خان نے خیبر پختونخوا کے وزراءاور ایم پی ایز کو مشاورت کیلئے اسلام آباد طلب کر لیا ہے۔ذرائع کے مطابق وزیر اعلیٰ پرویز خٹک کی جانب سے بارہ مئی کو اسلام آباد میں پارلیمنٹ ہاو¿س کے باہر دھرنے کے معاملے پر صوبے کی اپوزیشن جماعتوں میں اختلافات کھل کر سامنے آگئے ہیں۔ عوامی نیشنل پارٹی دھرنے میں شرکت کرے گی۔ اسفند یار ولی نے اپنے ارکان اسمبلی کو اس حوالے سے ہدایات بھی جاری کر دی ہیں تاہم مسلم لیگ (ن )نے دھرنے کی مخالفت کی ہے۔ صوبائی پارلیمانی لیڈر سردار اورنگزیب نلوٹھا کے مطابق صوبے کے چیف ایگزیکٹو کو دھرنا زیب نہیں دیتاخیبر پختونخوا کے وزیر اطلاعات مشتاق غنی نے کہاکہ مرکز صوبے کو بھکاری بنانا چاہتا ہے۔ دھرنا سیاسی نہیں بلکہ عوامی حقوق کیلئے دیا جا رہا ہے۔ دوسری جانب تحریک انصاف کے چیئرمین عمران خان نے دورہ پشاور منسوخ ہونے کے بعد خیبرپختونخوا کے وزرا ءاور ایم پی ایز کو دھرنے کے حوالے سے مشاورت کیلئے اسلام آباد طلب کر لیا ۔