وزیرصحت ڈاکٹر یاسمین راشد،صوبائی وزیر ہائیر ایجوکیشن اینڈ سیاحت راجہ یاسر ہمایوں سرفراز اورصوبائی وزیر عمار یا سر کروڑوں کے اثاثوں کے مالک نکلے، حیرت انگیز انکشافات چکوال(آئی این پی) ضلع چکوال سے تعلق رکھنے والے تین اراکین پنجاب اسمبلی نے پنجاب کابینہ میں شمولیت کی ہے۔

انہوں نے الیکشن کمیشن میں اپنے جو اثاثے داخل کرائے ہیں ان کے مطابق وزیر صحت ڈاکٹریاسمین راشد کے اثاثوں کی کل مالیت ایک کروڑ 94 لاکھ روپے ہے۔۔15تولہ سونا۔66 لاکھ کی دو ٹیوٹا گاڑیاں،شوہر کے نام پر 14کروڑ 80لاکھ کا دو کنال کا گھر،چکوال میں 7 لاکھ 40 ہزار کی 100 کنال بارانی زمین اور پانچ مرلے کا 85ہزار مالیت کا پلاٹ ہے جبکہ اس کے علاوہ وراثتی زمین بھی ہے۔ تعلیم ایم بی بی ایس اور لندن اور برطانیہ سے بھی میڈیکل کی تعلیم حاصل کر رکھی ہے۔20لاکھ روپے کی قرضہ پر الٹراساؤنڈ مشین بھی لے رکھی ہے صوبائی وزیر ہائیر ایجوکیشن اینڈ سیاحت راجہ یاسر ہمایوں سرفراز کے پاس 4 کروڑ 39 لاکھ روپے کی پراپرٹی ہے۔200 تولہ سونا، ایک پرانے ماڈل کی گاڑی اور ایک بی ایم ڈبلیو۔ امریکہ میں فارمیسی سمیت 7کروڑ 50 لاکھ کا بزنس کیپٹل،تعلیم بی ایس سی،سال2017میں دو لاکھ 86 ہزار روپے ٹیکس دیا۔صوبائی وزیر عمار یا سر کے پاس 150 تولہ سونا،4لاکھ 50 ہزار کا فرنیچر،ٹیوٹا گاڑی،ایک کروڑ 35لاکھ کی زرعی،کمرشل زمین ہے۔ایجوکیشن،حافظ قرآن ،اثاثوں کی کل مالیت ایک کروڑ 95 لاکھ روپے ہے۔