ممبئی(شوبز ڈیسک) بولی وڈ کے بہت سے بڑے ہدایت کار 18 سالہ سہانا خان کو اپنی فلم میں کاسٹ کرنے کے خواہش مند ہیں، تاہم ان میں سب سے اوپر شاہ رخ خان کے قریبی دوست کرن جوہر کا نام آتا ہے۔کرن جوہر اپنے بہت سے انٹرویوز میں سہانا کپور کو اپنی فلم میں کاسٹ کرنے کی خواہش کا بھی اظہار کرچکے ہیں جبکہ ایک انٹرویو میں تو انہوں نے یہ تک کہا تھا کہ شاہ رخ خان کے بچے بولی وڈ میں

ان کی فلم کے ساتھ ہی ڈیبیو کریں گے۔تاہم اب رپورٹس ہیں کہ شاہ رخ خان اور ان کی اہلیہ گوری خان کرن جوہر کے ساتھ ساتھ چند اور نامور ہدایت کاروں سے رابطے میں ہیں۔ٹائمز آف انڈیا کی رپورٹ کے مطابق ہدایت کار سنجے لیلا بھنسالی اور سجوئے گھوش سہانا خان کو بولی وڈ میں لانچ کرنے پر دلچسپی لے رہے ہیں۔لیکن ابھی تک بولی وڈ کی اس اسٹار کڈ کے لیے کسی ہدایت کار کی فلم کو فائنل نہیں کیا گیا۔