نیویارک (شوبز ڈیسک ) آسکر ایوارڈ یافتہ اداکار رابرٹ ریڈ فورڈ نے اداکاری سے ریٹائر ہونے کا اعلان کر دیا، اکیاسی سالہ اداکار کی آخری فلمThe Old Man & The Gun رواں برس ریلیز ہو گی، ریٹائرمنٹ کا اعلان رابرٹ ریڈ فورڈ نے ایک میگزین کو انٹرویو میں کیا۔انہوں نے کہا وہ محسوس کرتے ہیں کہ اب انڈسٹری کو خیرباد کہنے کا وقت آ گیا ہے۔

وہ اکیس برس کی عمر سے فلموں میں کام کر رہے ہیں۔بچ کیسڈی اینڈ دی سن ڈانس کڈ ، آؤٹ آف افریقہ، دی سٹنگ اور آل دی پریذیڈنٹس مین ان کی یادگار فلموں میں شامل ہیں۔ بطور ہدایتکار پہلی ہی فلم اورڈنری پیپل کے لئے انہوں نے آسکر ایوارڈ حاصل کیا۔