اسلام آباد (این این آئی)پاکستان تحریک انصاف کے رہنما نعیم الحق نے کہا ہے کہ علیم خان شروع سے وزارت اعلیٰ پنجاب کے امیدوار ہیں تاہم کچھ اور نا م بھی ہیں ٗ عمران خان (آج) پیر تک وزیر اعلیٰ پنجاب کے امیدوار کا اعلان کردیں گے ۔ایک انٹرویومیں نعیم الحق نے کہا کہ اپوزیشن جماعتوں کی جانب سے دھاندلی کے الزامات لگائے گئے ہیں ہم اس حوالے سے ان کے ساتھ ہیں جہاں کہیں بھی دھاندلی ہوئی ہے اس کی تحقیقات کیلئے

مکمل تعاون پر تیار ہیں۔ایک سوال پر انہوں نے کہا کہ پرویز الہٰی مجھے نہیں پتہ کیا چاہتے ہیں ؟ ان سے ہماری سیٹ ایڈ جسٹمنٹ ہے ۔ پیر تک ہمیں پنجاب میں اکثریت حاصل ہو جائے گی اور وزیر اعلیٰ پنجاب تحریک انصاف سے ہی ہوگا ۔ انہوں نے کہا ہے کہ علیم خان شروع سے ہی وزیر اعلیٰ پنجاب کے امیدوار ہیں اور اب ان کے ساتھ کچھ اور نام بھی لئے جا رہے ہیں ٗعمران خان (آج) پیر تک اس حوالے سے فیصلہ کرلیں گے ۔