اسلام آباد(آن لائن)تحریک انصاف کی قیادت نے وزیر اعلیٰ پنجاب کیلئے پی ٹی آئی رہنما علیم خان کے نام پر تحفظات کا اظہار کر تے ہوئے کہا کہ اگر علیم خان کو وزیر اعلیٰ پنجاب کے لئے نامزد کیا اور نیب نے پھر علیم خان کو طلب کر لیا تو اپوزیشن پی ٹی آئی حکومت کو خوب بدنام کرے گی۔تفصیلات کے مطابق عمران خان کی زیر صدارت ہونے والے اجلاس میں وزیر اعلی پنجاب کے لئے علیم خان کا نام

سامنے رکھا گیا توپی ٹی آئی قیادت نے فوراً علیم خان کے نام پر تحفظات کا اظہار کر دیا اور کہا کہ پہلے بھی نیب علیم خان کو 1 مرتبہ طلب کر چکی ہے اور اگر علیم خان اس وقت وزیر اعلیٰ پنجاب کے لئے نامزد کر بھی دیا جائے تو کیا بھروسہ کہ کل پھر نیب علیم خان کو طلب کر لے تو ہماری جماعت کی حکومت کی بدنامی ہو جائے گی اور اپوزیشن بھی اس معاملے کو خوب اچھالے گی ۔لہذا سوچ سمجھ کر فیصلے کیا جائے ۔