اسلام آباد(آن لائن) پنجاب حکومت بنانے کے لئے (ق) لیگ نے اپنا تعاون ڈپٹی وزیر اعظم اور وزیر اعلیٰ پنجاب کے عہدہ سے مشروط کر دیا۔ پنجاب میں حکومت بنانے کے لئے جوڑ توڑ عروج پر پہنچ گیا ہے پنجاب میں حکومت بنانے کے لئے مسلم لیگ(ق) نے پاکستان تحریک انصاف سے ڈپٹی وزیر اعظم یا وزیر اعلیٰ پنجاب کے عہدہ کا مطالبہ کر دیا ۔

تاہم پی ٹی آئی مرکز اور پنجاب دونوں میں مسلم لیگ(ق) کو ساتھ رکھنا چاہتی ہے اس کے لئے تحریک انصاف نے (ق) لیگ کو مرکز میں وفاقی وزیر اور وزیر مملکت اور پنجاب میں ایک وزیر اور ایک مشیر کا عہدہ دیا جانے کا امکان ظاہر کیا ہے ۔ پاکستان تحریک انصاف کے چیئرمین عمران خان اور چودھری پرویز الٰہی میں ملاقات جلد متوقع ہے ۔ ملاقات کے بعد آئندہ کی حکمت عملی طے کی جائے گی۔