اسلام آباد(مانیٹرنگ ڈیسک)نگران پنجاب حکومت نے نوازشریف کو پمز ہسپتال منتقل کرنے کا فیصلہ کرلیا، نجی ٹی وی کے مطابق پنجاب کی نگران حکومت نے سابق وزیر اعظم نوازشریف کو خرابی صحت کے باعث اسلام آباد کے پمز ہسپتال منتقل کرنے کا فیصلہ کرلیا ہے ۔اس سے پہلے یہ خبر سامنے آئی تھی کہ نواز شریف کے بائیں بازواورسینے میں تکلیف ہوئی ہے۔
اڈیالہ جیل کے ذرائع کے مطابق جیل اسپتال کےڈاکٹروں نے نواز شریف کے بائیں بازواورسینے میں تکلیف کی شکایت کے بعد ان کامعائنہ کیا ۔اڈیالہ جیل اسپتال کےڈاکٹر نے نوازشریف کو فوری سی سی یو منتقل کرنے کا مشورہ دیا تھا۔آئی جی جیل خانہ جات نےاس سلسلے میں ایڈیشنل چیف سیکرٹری داخلہ نسیم نواز سے رابطہ کیا۔ایڈیشنل چیف سیکرٹری داخلہ نسیم نوازنے نگراں وزیراعلیٰ کو رپورٹ ارسال کردی۔واضح رہے اس سے قبل بھی پمزکےڈاکٹروں کی چاررکنی ٹیم نےہفتہ کواڈیالہ جیل میں نوازشریف کاچیک اپ کیا تھا۔
