پشاور(این این آئی)ایم ایم اے کے امیدوار اور سابق وزیراعلیٰ کے پی اکرم خان درانی کے خلاف بنوں کے صدر تھانے میں مقدمہ درج کردیاہے،اکرم خان درانی نے زبردستی پولنگ اسٹیشن میں داخل ہونے کی کوشش کی ،عملے کو دھمکیاں بھی دیں ۔پولیس کے مطابق ایم ایم اے کے امیدوار اورسابق وزیراعلیٰ اکرم خان درانی کے خلاف
تھانہ صدر میں ایف آئی آر درج کی گئی ہے ،ایف آئی آر میں کہا گیاہے کہ اکرم خان درانی نے وولن ملز پولنگ اسٹیشن میں زبردستی گھسنے کی کوشش کی،اجازت نہ ملنے پر اکرم خان درانی نے پولیس اور پولنگ عملے کو دھمکیاں دیں،اکرم خان درانی کے خلاف سب انسپکٹر رستم خان کی مدعیت میں مقدمہ درج کیا گیا ہے ۔
