کراچی (این این آئی) پیپلزپارٹی کی جانب سے مرکز میں حکومت کی تشکیل روکنے کے لیے تحریک انصاف کا راستہ روکے جانے کی اطلاعات کوغلط قراردیا ہے اورکہاہے کہ تحریک انصاف کووفاقی حکومت بنانے سے روکنے اورمرکز میں اپوزیشن جماعتوں کی مخلوط حکومت کی پیشکش کی اطلاعات درست نہیں ہیں۔بعض حلقے یہ دعوی کررہے تھے کہ بلاول بھٹو اور آصف علی زرداری نے اپوزیشن کی
اس پیشکش کومسترد کردیا ہے کہ عمران خان کا راستہ روکنے کے لیے اپوزیشن جماعتوں کے ساتھ پیپلزپارٹی مخلوظ حکومت میں شامل ہوجائے ۔ دوسری جانب تحریک انصاف سندھ کے صدرڈاکٹرعارف علوی کا کہنا ہے کہ مرکز میں حکومت سازی کے لیے جی ڈی اے ہمارے ساتھ ہے،ایم کیوایم سے بات چیت جاری ہے انہوں نے کہاکہ کرپشن میں ملوث جماعتوں سے مرکز میں اتحاد کی ضرورت نہیں ہے۔
