اسلام آباد(مانیٹرنگ ڈیسک)الیکشن 2018میں کچھ ایسے انسانیت سوز واقعات بھی سامنے آئے ہیں کہ جن کے بارے میں سوچ کر آپ کی روح بھی کانپ اٹھے گی ۔الیکشن مہم کے دوران تحریک انصاف کے کارکنوں کی جانب سے ایک گدھے پر نوازشریف کانام لکھ کر اس پر بدترین تشدد کیا گیا جس سے وہ زخمی ہوگیا بعدازاں دوران علاج وہ دم توڑ گیا۔تحریک انصاف والوں کی اس حرکت پر ہر طرف سے شدید ردعمل آیا ۔

اب سوشل میڈیا پر ایک ویڈیو کلپ تیزی سے وائرل کر رہا ہے کہ جس میں قومی وطن پارٹی والوں کی طرف سے ایک کتے کو تحریک انصاف کے پارٹی پرچم سے لپیٹا گیا ہے ۔جبکہ قریب ہی موجود ایک شخص نے اسے گولیوں سے بھون ڈالا ۔یہ دل دہلا دینے والا منظر دیکھ کر سب کی روح کانپ اٹھی اور سوشل میڈیا پر شدید ردعمل سامنے آرہا ہے ۔ایک بے زبان کو اس طریقے سے نشانہ بنانا قابل قرار دیا گیا اور متعلقہ حکام سے نوٹس لینے کا مطالبہ کیا گیا ہے۔

موضوعات:قومی وطن پارٹی