راولپنڈی (این این آئی ) مسلم لیگ (ن) کے صدر میاں محمد شہباز شریف کی راولپنڈی حنیف عباسی کے گھر آمد ،شہباز شریف کی آمد کا سنتے ہی لیگی رہنماؤں کارکنوں کی بڑی تعداد حنیف عباسی کے گھر پہنچ گئی، تفصیلات کے مطابق مسلم لیگ (ن) کے صدر و سابق وزیر اعلی پنجاب میں محمد شہباز شریف گزشتہ روز حنیف عباسی کے گھر راولپنڈی سکتھ روڈ پہنچ گئے جہاں انھوں حنیف عباسی کی اہلیہ اور ان کے بچوں سے ملاقات کی اور ان کو حوصلہ دیتے ہوئے
کہا کہ اللہ پر بھروسہ رکھے اللہ سب اچھا کرے گا ، حنیف عباسی کی بے شمار قربانیاں اور انتھک محنت مسلم لیگ کے لیے ہے جس پر ان کو جتنا بھی خراج تحسین پیش کیا جائے کم ہے ، شہباز شریف کی حنیف عباسی کے گھر آمد کا سن کر لیگی مقامی رہنماؤں اور کارکنوں کی بڑی تعداد حنیف عباسی کے گھر پہنچ گئی اور شہباز شریف کے حق میں زبردست نعرہ بازی بھی کی گئی ، بعد ازاں میاں شہباز شریف اسلام آباد آل پارٹیز کانفرینس میں شرکت کے لیے چلے گئے ۔
