اسلام آباد (این این آئی)پاکستان پیپلز پارٹی نے متحدہ مجلس عمل کی جانب سے عام انتخابات میں مبینہ دھاندلی پر بلائی گئی آل پارٹیز کانفرنس میں شرکت کر نے سے معذرت کرلی ۔پیپلز پارٹی کے ترجمان فرحت اللہ بابر نے بتایا کہ پارٹی کے چیئرمین بلاول بھٹو زرداری اور شریک چیئرمین آصف علی زرداری، اسلام آباد میں ہونے والی ملٹی پارٹی کانفرنس (ایم پی سی)
میں شرکت نہیں کر سکے ۔انہوں نے کہاکہ پیپلز پارٹی کو ایم پی سی کے حوالے سے پہلے سے نہیں بتایا گیا تھا اور پارٹی کی نظر میں اس کانفرنس میں شرکت کی ضرورت نہیں ہے، ہماری قیادت اس معاملے پر کراچی میں بیٹھ کر اپنا فیصلہ کرے گی۔انہوں نے مزید کہا کہ پیپلز پارٹی کی قیادت انتخابات میں مبینہ دھاندلی پر اپنا سیاسی لائحہ عمل خود تیار کرے گی۔
