اسلام آباد (مانیٹرنگ ڈیسک) آزاد حیثیت سے قومی اسمبلی کی نشست جیتنے والے صالح محمد نے تحریک انصاف میں شمولیت کا اعلان کر دیا، ایک نجی ٹی وی چینل کی رپورٹ کے مطابق قومی اسمبلی کی نشست این اے 13 مانسہرہ سے نو منتخب آزاد رکن قومی اسمبلی صالح محمد نے پاکستان تحریک انصاف میں شامل ہو گئے ہیں۔ رپورٹ کے مطابق صالح محمد نے تحریک انصاف کے چیئرمین عمران خان سے ملاقات
کے دوران باضابطہ تحریک انصاف میں شمولیت کا اعلان کر دیا۔ واضح رہے کہ اس ملاقات کے دوران جہانگیر ترین، سینیٹر اعظم سواتی اور پرویز خٹک بھی موجود تھے۔صالح محمد نے تحریک انصاف کی قیادت اور منشور پر مکمل اعتماد کا اظہار کرتے ہوئے تحریک انصاف میں شمولیت کی تصدیق کی اور اس موقع پر انہوں نے کہا کہ امید ہے زیادہ تر آزاد امیدوار تحریک انصاف میں شمولیت اختیار کریں گے۔
