اسلام آباد (مانیٹرنگ ڈیسک)غیر سرکاری تنظیم فافن نے 2018کے انتخابات کو 2013سے بہتر قرار دیتے ہوئے رپورٹ جاری کر دی، رپورٹ کے مطابق انتخابی اصلاحات کے مثبت نتائج سامنے آئے۔ جمعہ کو غیر سرکاری تنظیم فافن نے انتخابات سے متعلق رپورٹ جاری کرتے ہوئے 2018کے انتخابات کو 2013سے بہتر قرار دے دیا۔ رپورٹ کے مطابق نتائج میں تاخیر، گنتی میں شکایات کے باوجود تنازعات سے پاک الیکشن ہوا،
انتخابی اصلاحات کے مثبت نتائج سامنے آئے، الیکشن کمیشن سیاسی جماعتوں کے تحفظات دور کرے، سیاسی جماعتوں کے تحفظات رد کرنے سے سیاسی انتشار پھیلے گا، پولنگ اسٹیشنز پر قواعد کی خلاف ورزیاں معمولی نوعیت کی تھیں، ملک بھر میں خواتین کا ٹرن آئوٹ کم رہا، قومی اسمبلی کے 35حلقوں میں مسترد ووٹوں کی تعداد کامیاب امیدوار کے مارجن سے زیادہ رہے،کئی پولنگ اسٹیشنز پر قواعد کی خلاف ورزیاں ہوئیں۔
