کراچی (مانیٹرنگ ڈیسک) قومی اسمبلی کے حلقہ این اے 247 کراچی کا غیر سرکاری اور غیر حتمی نتیجہ سامنے آ گیا ہے، اس حلقے میں ایم کیو ایم کے فاروق ستار اور تحریک انصاف کے عامر لیاقت حسین کے درمیان مقابلہ تھا، اس غیر حتمی اور غیر سرکاری نتیجے کے مطابق تحریک انصاف کے امیدوار عامر لیاقت حسین نے 56 ہزار 615 ووٹ حاصل کیے جبکہ ان کے مقابلے میں ایم کیو ایم کے فاروق ستار نے 35 ہزار 247 ووٹ حاصل کیے، تحریک انصاف کے امیدوار

عامر لیاقت حسین نے 56 ہزار 615 ووٹ حاصل کیے، اس طرح حلقہ این اے 247 کراچی میں تحریک انصاف کے امیدوارڈاکٹر عامر لیاقت کامیاب قرار پائے۔ اس طرح اس حلقے سے تحریک انصاف کے رہنما ڈاکٹر عامر لیاقت نے فاروق ستار کو حیران کن طور پر بڑے مارجن سے شکست دے دی ہے۔ واضح رہے کہ انتخابات سے قبل تحریک انصاف کے ڈاکٹر عامر لیاقت نے حلقہ این اے 247 میں کامیاب انتخابی مہم کی اوراسکے نتیجے میں انہیں ایک بڑی فتح حاصل ہوئی۔