اسلام آباد (مانیٹرنگ ڈیسک) عام انتخابات میں تحریک انصاف واضح برتری کے ساتھ حکومت بنانے کی پوزیشن میں ہے اور اب تک کے غیر سرکاری اور غیر حتمی نتائج کے مطابق تحریک انصاف 119 نشستوں کی برتری کے ساتھ نمایاں ہے، اسی حوالے سے سینئر صحافی و معروف تجزیہ کار ہارون الرشید نے ایک نجی ٹی وی چینل سے گفتگو کرتے ہوئے عمران خان کو انتہائی مفید مشورہ دے ڈالا، انہوں نے کہا کہ اِس وقت ایک خاندان کا رول بہت
بڑھ گیا ہے اور وہ خاندان گجرات کے چوہدری ہیں، سینئر صحافی نے کہا کہ رابطوں میں وہ سب سے بہتر ہیں، ان کے پاس تین سیٹیں ہیں مگر وہ تین کو تیس میں تبدیل کر سکتے ہیں، وہ آزاد امیدواروں سے رابطہ کر سکتے ہیں لیکن عمران خان سمیت کسی میں یہ خصوصیت نہیں ہے۔ سینئر صحافی ہارون الرشید نے کہا کہ چوہدری برادران کا پنجاب میں رول بڑھ جائے گا، چوہدری برادران کو محدود حد تک یہ رول ادا کرنے کی اجازت دینی چاہیے۔
