اسلام آباد (مانیٹرنگ ڈیسک) پاکستان تحریک انصاف قومی اسمبلی میں سب سے بڑی جماعت بن کر سامنے آئی ہے۔ غیر سرکاری و غیر حتمی نتائج کے مطابق تحریک انصاف نے ملک بھر میں قومی اسمبلی کی 119 سیٹوں پر کامیابی حاصل کر چکی ہے جبکہ پنجاب میں ن لیگ اور پی ٹی آئی میں کانٹے دارمقابلہ جاری ہے ۔تحریک انصاف کی عام انتخابات میں فتح کے حوالے سے عمران خان کب اعلان کرینگے۔ اس حوالے سے ذرائع کے مطابق چیئرمین پی ٹی آئی عمران خان نے حکومت سازی کی

تشکیل پارٹی رہنماؤں کو بنی گالہ بلا لیاہے اور اجلاس بھی طلب کر لیاہے جس میں لائحہ عمل پر مشاورت کی جائے گی ۔عمران خان نے گزشتہ رات ہی کامیابی کے نتائج آنے پر اسلام آباد پہنچنے کا پیغا م بھجوا دیاتھا ۔اب خبر آ رہی ہے کہ عمران خان اپنی جیت کا اور حکومت سازی سے متعلق لائحہ عمل کا اعلان آج شام 5 بجے پریس کانفرنس سے خطاب کرتے ہوئے کرینگے جبکہ دیگر جماعتوں کی جانب سےانتخابات پر اٹھائے گئے تحفظات پر بھی اظہار خیال کرینگے ۔