لاہور ( این این آئی) غیر سرکاری اور غیر حتمی نتائج کے مطابق لاہور کے حلقہ این اے 125 سے کامیاب ہونے والے مسلم لیگ (ن) کے امیدوار وحید عالم خان نے پارٹی کے تاحیات قائد نواز شریف سے اپنی محبت کا اظہار کرتے ہوئے نیا نعرہ متعارف کروا دیا ۔

انتخاب جیتنے کے بعد انہوں نے پارٹی کارکنوں کے ہمراہ میڈیا سے گفتگو کے دوران نعرہ لگایا کہ ’’جیسے بھی حالات رہیں گے میاں تیرے ساتھ رہیں گے ‘‘ ۔ وحید عالم نے کہا کہ لاہور مسلم لیگ (ن) کا گڑھ ہے اور این اے 125میں بھی عوام نے مجھے جیتا کر نواز شریف اور شہباز شریف کی قیادت پر اپنے بھرپور اعتماد کا اظہار کیا ہے ۔ اس موقع پر کارکنوں نے شیر شیر کے نعرے بھی لگائے ۔

موضوعات:وحید عالم خان