اسلام آباد (مانیٹرنگ ڈیسک)نگران وزیراعلی پنجاب نے نواز شریف کی گرفتاری پر بات کرتے ہوئے کہا ہے کہ سابق وزیراعظم کی گرفتاری سے ہمارا کوئی تعلق نہیں ہے ۔ انہیں نیب نے لاہور ائیر پورٹ سے گرفتار کیا اور یہ معاملہ نیب ہی ڈیل کر رہی تھی ۔ نگران وزیراعلی پنجاب نے عام انتخابات کے حوالے سے کہا ہے کہ ہماری پوری کوشش ہو گی کہ ملک بھر میں آزاد اور منصفانہ انتخابات کا انعقاد ہو اور نگران حکومت اس کیلئے الیکشن کمیشن سے بھر پور تعاون کرے گی ۔
نجی نیوز چینل کے ایک پروگرام میں گفتگو کرتے ہوئے کہنا تھا کہ انتخابات کرانا الیکشن کمیشن کا کام ہے ۔ ہم ان کیساتھ صرف تعاون کریں گے ۔ ان کا مزید کہنا تھا کہ کسی کیساتھ امتیازی سلوک کے معاملے پر انتخابی امیدوار کو نگران حکومت سے شکایت کرنی چاہیے تاکہ ہم ذمہ دران کیخلاف ایکشن لے سکیں ۔نگران وزیراعلی حسن عسکری کا کہنا تھا کہ ضابطہ اخلاق ورزی کسی بھی صورت قبول نہیں ہو گی ، خلاف ورزی کرنے والوں کیخلاف سخت سے سخت کاروائی کی جائے گی ۔
