اسلام آباد (مانیٹرنگ ڈیسک) نواز شریف جیل میں تنگ آ گئے اور اب اذانیں دینے لگ گئے ہیں، معروف صحافی چوہدری غلام حسین نے سابق وزیراعظم کے حوالے سے بڑا دعویٰ کر دیا ۔ تفصیلات کے مطابق نجی ٹی وی پروگرام میں گفتگو کرتے ہوئے معروف صحافی چوہدری غلام حسین نے سابق وزیراعظم نواز شریف کے حوالے سے بڑا دعویٰ کرتے ہوئے کہا ہے کہ نواز شریف نے جیل میں ایک ہفتہ بھی نہیں گزرا اور وہ جیل میں اذانیں دینے لگ گئےہیں،
نواز شریف نے گھبراہٹ اور چھاتی پر بوجھ کی شکایت کرتے ہوئے کہا ہے کہ خدا کے واسطے ڈاکٹر کو بلائو اورمجھے یہاں سے نکالو،اگر میں اڈیالہ جیل میں رہ گیا تو میری یہاں سے لاش ہی جائے گی۔ان حالات میں جیل رہا تو میری زندگی کا کچھ پتہ نہیں۔چوہدری غلام حسین کا کہنا تھا کہ نو از شریف جیل جانے سے پہلے بڑی بڑی باتیں کرتے تھے کہ میں پھانسی سے نہیں ڈرتا۔لیکن ابھی انہیں جیل میں ایک ہفتہ بھی نہیں گزرااور وہاں تنگ آگئے ہیں۔
