راولپنڈی (نیوز ڈیسک) مریم نواز نے اپنے والد میاں نواز شریف کو اڈیالہ جیل میں چھوڑ کر سہالہ ریسٹ ہاؤس میں منتقل ہونے سے انکار کر دیا ہے، ذرائع کا کہنا ہے کہ سکیورٹی خدشات کے پیش نظر مریم نواز کو اڈیالہ جیل سے سہالہ ریسٹ ہاؤس منتقل کرنے کا فیصلہ کیا گیا ہے، سہالہ ریسٹ ہاؤس کو سب جیل کا درجہ دے دیا گیا ہے۔
مریم نواز کو آئندہ چوبیس گھنٹوں میں سہالہ ریسٹ ہاؤس منتقل کیا جا سکتا ہے، اس حوالے سے مریم نواز کا کہنا ہے کہ وہ اڈیالہ جیل سے نہیں جائیں گی، انہوں نے انکار کرتے ہوئے موقف اختیار کیا کہ وہ اپنے والد نواز شریف کو اڈیالہ جیل چھوڑ کر کسی اور جگہ نہیں جائیں گی۔ واضح رہے کہ مریم نواز اس سے پہلے بھی سہالہ ریسٹ ہاؤس جانے سے انکار کر چکی ہیں۔
