اسلام آباد(آن لائن،مانیٹرنگ ڈیسک)تحریک انصاف کے چیئرمین عمران خان اور سابق وزیر اعظم شاہد خاقان عباسی کو سکیورٹی خدشات کے پیش نظر 16،16اہلکاروں پر مشتمل دو پولیس سکواڈ مہیا کردیے گئے ۔ تفصیلات کے مطابق خفیہ اطلاعات کے پیش نظر عمران خان اور شاہد خاقان عباسی کو 16،16اہلکاروں پر مشتمل پولیس کے 2،2 سکواڈ مہیا کردیے گئے ہیں جلسوں اور کارنرز میٹنگ میں سکیورٹی انتظامیہ کے ایس او پی کے مطابق

رکھی جائے گی۔ یاد رہے نیکٹا حکام کا کہنا ہے کہ الیکشن کے دوران 18 سیاسی رہنمائوں کو دہشت گردی کا نشانہ بنایا جاسکتا ہے۔ نیکٹا کی جانب سے جاری ہونے والے بیان میں انکشاف ہوا ہے کہ انتخابات 2018 کے دوران 18 سیاسی رہنمائوں پر دہشت گرد حملوں کا خطرہ ہے۔ نیکٹا حکام کے مطابق ممکنہ حملوں سے متعلق آئی ایس آئی اور آئی بی کی جانب سے نیکٹا کو آگاہ کیا گیا ہے اور اس حوالے سے تما م صوبائی حکومتوں اورمتعلقہ اداروں کو آگاہ کردیا گیا ہے۔

موضوعات:شاہد خاقان عباسی،عمران خان