لاہور (مانیٹرنگ ڈیسک) جنید صفدر پاکستان واپس کیوں آئے، سینئر صحافی حسن نثار نے ایک نجی ٹی وی چینل کے پروگرام میں انکشاف کر دیا، واضح رہے کہ مریم نواز کے بیٹے جنید صفدر پاکستان آ چکے ہیں اور ان کی پاکستان آمد پر بہت سوالات اٹھائے جا رہے ہیں، سینئر صحافی حسن نثار نے پروگرام میں گفتگو کرتے ہوئے کہاکہ مریم نواز کا بیٹا جنید صفدر لندن میں گرفتاری سے بچنے کے لیے پاکستان واپس آیا ہے، انہوں نے کہا کہ جنید صفدر کو
لندن میں اپنے خلاف کارروائی کا خوف تھا اسی وجہ سے وہ قانونی کارروائی سے بچنے کے لیے پاکستان واپس آیا ہے۔ سینئر صحافی حسن نثار نے گفتگو کرتے ہوئے کہا کہ میاں نواز شریف اور مریم نواز کے ملک واپس آنے سے شاید ن لیگ دو یا چار سیٹیں زیادہ جیت جائے، اس سے زیادہ ن لیگ کو کوئی فائدہ نہیں ہوگا۔ یاد رہے کہ کچھ دن پہلے جنید صفدر اور زکریا حسین کو پولیس نے ایک شخص کو مارنے پر گرفتار کر لیا تھا اور قانونی کارروائی کے بعد انہیں چھوڑ دیا گیا تھا۔
