کراچی (مانیٹرنگ ڈیسک) پی ایس87کراچی ملیرسے تحریک لبیک کے نامزد امیدوار شریف احمد خانزادہ ٹریفک حادثے میں جاں بحق ہوگئے۔ امیدوارکی ناگہانی وفات پرتحریک لبیک نے حلقے میں انتخابات ملتوی کرنے کی درخواست الیکشن کمیشن میں جمع کرادی ہے ۔ترجمان تحریک لبیک کے مطابق ٹریفک حادثہ گزشتہ روز نیشنل ہائی وے پر رزاق آباد کے قریب پیش آیا۔شریف خانزادہ گزشتہ روز موٹر سائیکل پررزاق آباد جارہے تھے۔ٹریفک حادثے کی وجوہات کا تاحال
معلوم نہیں ہوسکا۔ حادثہ کے نتیجے میں شریف احمد موقع پرہی انتقال کرگئے۔ ترجمان کا کہنا ہے کہ شریف احمد خانزادہ کے انتقال کے حوالے سے الیکشن کمیشن کو آگاہ کردیا گیا ہے اور درخواست کی گئی ہے کہ پی ایس87پر الیکشن ملتوی کیا جائے ۔ترجمان تحریک لبیک محمد علی کے مطابق مرحوم شریف احمد خانزادہ کی نماز جنازہ ہفتے کو بعد نماز عصر مرحوم کی رہائشگاہ کے پاس ملیر مدینہ مسجد میں ادا کی گی اورمقامی قبرستان میں سپرد خاک کردیا گیا۔
