اسلام آباد (مانیٹرنگ ڈیسک) مری کے علاقے کلڈنہ کے قریب سڑک پر چلتے ہوئے دو نوجوانوں پر شیر نے حملہ کر دیا،نجی ٹی وی چینل کی رپورٹ کے مطابق دونوں نوجوانوں کو ٹی ایچ کیو مری منتقل کر دیا گیا، دونوں نوجوان شدید زخمی حالت میں ہیں ، جنگلی شیر اچانک غصے کی حالت میں ان دونوجوانوں پر حملہ کر دیا ہے، محمد وزیر اور عمر حیات نامی ان دونوں نوجوانوں کا تعلق مری سے ہے، ان دونوں
کو مری میں طبی امداد دی گئی، مری کے لوگوں کا کہنا ہے کہ جب محکمہ وائلڈ لائف کے عملے سے رابطہ کیا گیا تو انہوں نے انتہائی ہتک آمیز رویہ اختیار کیا، نوجوانوں کے جسم پر گہرے زخم آئے ہیں اور خون بہت زیادہ بہہ گیا ہے، مقامی آبادی میں شدید خوف و ہراس پھیل گیا، سکول جانے والے بچے اور سینکڑوں لوگ اس راستے سے گزرتے ہیں، لوگوں کی قیمتی جانوں کے ضائع ہونے کا خدشہ ہے۔
