لندن (نیوز ڈیسک) سابق وزیراعظم نواز شریف کی صاحبزادی مریم نواز نے کہا ہے کہ بعض لوگوں کو یقین تھا کہ بیٹی کی گرفتاری سے ڈر کر نواز شریف ملک واپس نہیں آئیں گے لیکن انہوں نے غلطی کردی ۔مائیکرو بلاگنگ ویب سائٹ ٹوئٹر پر بیان دیتے ہوئے مریم نواز نے کہا کہ

لگتا ہے غلطی در غلطی کرنے والوں نے ایک اور غلطی کردی ،ان کو یقین تھا کہ اہلیہ کی شدید علالت اور بیٹی کی گرفتاری سے ڈ ر کر نواز شریف واپس نہیں آئیں گے مگر وہ یہ بھول گئے کہ وہ آئین و قانون کا رکھوالا ،عوام کا نمائندہ نواز شریف ہے ،بزدل ڈکٹیٹر نہیں ۔