اسلام آباد(نیوزڈیسک) آسڑیلیا کی وزیر خارجہ جولی بشپ دو روزہ سرکاری دورے پر بدھ کو پاکستان پہنچیں جہاں ان کی وزیراعظم کے مشیر برائے قومی سلامتی و خارجہ امور سرتاج عزیز سے ملاقات ہوئی۔دفتر خارجہ میں ہونے والی اس ملاقات میں دونوں ممالک نے مختلف شعبوں میں دوطرفہ تعاون کو مزید وسعت دینے سمیت علاقائی اور عالمی صورتحال پر تبادلہ خیال کیا۔جولی بشپ نے علاقائی امن و سلامتی انہوں نے پاکستان کے سرحدی علاقوں کی بہتری اور سرمایہ کاری کیلئے ایک کروڑ 99 لاکھ آسٹریلوی ڈالر امداد کا اعلان کیا، داعش کو عالمی امن کیلئے خطرہ بھی قرار دے دیا۔آسٹریلوی وزیر خارجہ جولی بشپ نے مشیر خارجہ سرتاج عزیز سے ملاقات میں پاکستان کیلئے ایک کروڑ 99 لاکھ آسٹریلین ڈالر امداد کا اعلان کیا، امداد سرحدی علاقوں کی بہتری اور سرمایہ کاری کیلئے دی گئی ہے، ایک کروڑ ڈالر سرحدی علاقوں کے انفراسٹرکچر کی بحالی پر خرچ ہوں گے۔ پاکستانی کوششوں کو سراہتے ہوئے کہا کہ دہشت گردی سے نمٹنے کے لیے آسٹریلیا پاکستان کے ساتھ بھرپور تعاون کرے گا۔سرتاج عزیز نے آسٹریلوی وزیر خارجہ کو افغانستان اور ہندوستان کے ساتھ پاکستان کے تعلقات کے حوالے سے بھی بریف کیا۔جولی بشپ وزیراعظم نواز شریف سے بھی ملاقات کریں گی جبکہ جمعرات 7 مئی کو لاہور جائیں گی، جہاں وہ وزیراعلیٰ پنجاب چوہدری شہباز شریف سے ملاقات کریں گی۔وہ ایک منصوبے کا بھی افتتاح کریں گی، جس کے لیے فنڈز آسٹریلوی حکومت کی جانب سے فراہم کیے گئے ہیں۔آسٹریلوی وزیرخارجہ ایک ایسے وقت میں پاکستان کے دورے پر پہنچی ہیں جب تقریباً 2 ماہ قبل راولپنڈی کے آرمی جنرل ہیڈ کوارٹر (جی ایچ کیو) میں چیف آف آرمی اسٹاف جنرل راحیل شریف اور آسٹریلیا کے چیف آف ڈیفنس فورس ایئر چیف مارشل مارک بنسکن کے مابین ملاقات میں پاکستان اور آسٹریلیا نے دفاع اور سلامتی سمیت ملٹری ٹریننگ کے سلسلے میں تعاون بڑھانے پر اتفاق کیا تھا۔