ممبئی (شوبز ڈیسک) بالی ووڈ اداکار بوبی دیول طویل عرصے سے فلموں میں نظر نہیں آ رہے تھے تاہم حال ہی میں سلمان خان کی فلم ’ریس 3‘ سے انڈسٹری میں ان کی واپسی ہوئی ہے۔بالی ووڈ کے لیجنڈ اداکار دھرمیندر کے بعد ان کے بیٹے سنی دیول کو تو بالی ووڈ میں خاصی کامیابی حاصل ہوئی مگر بوبی دیول اپنے کیرئیر کے دوران کچھ زیادہ اچھی فلمیں نہ دے سکے تاہم اب ایسا محسوس ہوتا ہے۔
کہ بوبی دیول کے بیٹے ’آریامن‘ انڈسٹری میں قدم جمانے کیلئے تیار ہیں جن کی تصاویر نے سوشل میڈیا پر دھوم مچا دی ہے۔تصاویر دیکھ کر بھارتی حسینائیں اپنی آنکھیں جھپکنا بھول گئیں۔بوبی دیول، ان کی اہلیہ تانیہ، بڑا بیٹا آریامن اور چھوٹا بیٹا دھرم ائیرپورٹ پر پہنچے تو ’’پاپارازی‘‘ فوٹوگرافرز کی جیسے ’لاٹری‘ نکل آئی جنہوں نے ان کی تصاویر اتاریں جو اب سوشل میڈیا پر وائرل ہو گئی ہیں۔
