چین  (مانیٹرنگ ڈیسک) شیاﺅمی نے اپنا نیا اسمارٹ فون ریڈ می 6 پرو اور ایک ٹیبلیٹ می پیڈ 4 متعارف کرا دیئے ہیں۔ 5.84 انچ کا ریڈمی 6 پرو اس چینی کمپنی کو مڈ رینج فون ہے جس میں ایف ایچ ڈی پلس ڈسپلے 19:9 ریشو کے ساتھ دیا گیا ہے۔ درحقیقت یہ ریڈمی سیریز کا پہلا فون ہے جس میں آئی فون ایکس جیسا نوچ ڈیزائن دیا گیا ہے اور ایپل کی ڈیوائس سے کافی ملتا جلتا ہے۔

شیاؤمی کا آئی فون سے بھی پتلا ٹیلیویژن اس فون میں اسنیپ ڈراگون 625 پراسیسر اور 4000 ایم اے ایچ بیٹری دی گئی ہے۔ یہ فون تھری جی بی ریم اور 32 جی بی اسٹوریج کے ساتھ، 4 جی بی ریم اور 32 جی بی اسٹوریج، اور 4 جی بی ریم اور 64 جی بی اسٹوریج کے آپشنز کے ساتھ دستیاب ہوگا۔ اس فون میں بیک پر 12 اور 5 میگا پکسل کے کیمرے دیئے گئے ہیں جبکہ فرنٹ پر 5 میگا پکسل کیمرہ ہے۔ اینڈرائیڈ اوریو آپریٹنگ سسٹم کا امتزاج کمپنی کے اپنے ایم آئی یو آئی 9 سے کیا گیا ہے۔ اس کا بیسک ماڈل (تھری جی بی ریم اور 32 جی بی اسٹوریج) 999 چینی یوآن (18 ہزار پاکستانی روپے سے زائد) میں دستیاب ہوگا، جبکہ 4 جی بی ریم اور 32 جی بی اسٹوریج والا ورژن 1199 یوآن (22 ہزار پاکستانی روپے سے زائد) جبکہ 4 جی بی ریم اور 64 جی بی اسٹوریج والا ماڈل 1299 یوآن (24 ہزار پاکستانی روپے سے زائد) میں دستیاب ہوگا۔ شیاؤمی کے 2 بجٹ اسمارٹ فونز متعارف اس فون کو فی الحال چین میں فروخت کے لیے پیش کیا گیا ہے اور کچھ عرصے بعد دنیا کے مختلف حصوں میں دستیاب ہوگا۔ اسی طرح شیاﺅمی کا نیا ٹیبلیٹ می پیڈ 4 صارفین کو 1099 سے 1499 یوآن میں دستیاب ہوگا۔ اس ٹیبلیٹ میں 8 انچ کا ایف ایچ ڈی ڈسپلے، اسنیپ ڈراگون 660 پراسیسر، 3 سے 4 جی بی ریم، 32 سے64 جی بی اسٹوریج دی گئی ہے۔ اس کے بیک پر 13 میگا پکسل جبکہ فرنٹ پر 5 میگا پکسل کیمرہ دیا گیا ہے اور ہاں اس میں 6000 ایم اے ایچ بیٹری دی گئی ہے۔