چمن۔۔۔ کالج روڈ پر نامعلوم افراد کی فائرنگ سے قبائلی رہنما برات خان ادازئی بیٹے سمیت جاں بحق جب کہ دوسرا بیٹا شدید زخمی ہو گیا۔ لیویز ذرائع کا کہنا ہے کہ قبائلی رہنما ملک برات خان ادازئی اپنے بچوں کو لے کرسکول جا رہے تھے کہ نامعلوم افراد نے کالج روڈ پر ان کی گاڑی پر اندھا دھند فائرنگ کر دی جس کے نتیجے میں ان کی گاڑی گہری کھائی میں جا گری اور برات خان موقع پر ہی جاں بحق جب کہ ان کے 2 بیٹے شدید زخمی ہو گئے۔ امدادی ٹیموں کے اہلکاروں نے برات خان کے بیٹوں کو اسپتال منتقل کیا جہاں ان کا ایک بیٹا زخموں کی تاب نہ لاتے ہوئے دم توڑ دیا جب کہ دوسرے کو طبی امداد دی جا رہی ہے۔ فائرنگ سے جاں بحق ہونے والے بیٹے کی عمر 6 سال جب کہ زخمی ہونے والے کی عمر 8 سال بتائی جاتی ہے۔سیکیورٹی فورسز نے علاقے کا محاصرہ کر کے حملہ آرووں کی گرفتاری کے لئے چھاپہ مار کارروائی کا آغاز کر دیا ہے۔