اسلام آباد(نیو زڈیسک)وی آئی پی کلچر نے کھیل کے میدانوں کو بھی نہ بخشا اور وزیراعظم میاں محمد نواز شریف کے داما کیپٹن (ر) صفدر عباسی کے ہیلی کاپٹر کی لینڈنگ کے باعث پی سی بی انڈر 19 کے میچ میں مصروف دونوںٹیموں کو مانسہرہ پولیس نے گراﺅنڈ سے باہر نکال دیا اور جاری میچ کے دوران وکٹیں اکھاڑ دی اور کھلاڑیوں اور انتظامیہ کو زدو کوب کیا ہے۔ میڈیا رپورٹس کے مطابق منگل کے روز وزیراعظم میاں نواز شریف کے داماد اور مریم نواز کے شوہر کیپٹن (ر) صفدر عباسی نے مانسہرہ آنا تھا اور مانسہرہ پولیس نے ہیلی کاپٹر کی لینڈنگ کے لئے گراﺅنڈ میں جاری میچ کو ختم کروا کے ہیلی کاپٹر کی لینڈنگ کروائی۔ منگل کے روز پی سی بی انڈر 19 کے دو ریجنل ٹیموں صوابی اور مانسہرہ انڈر 19 کا میچ جاری تھا کہ پولیس نے گراﺅنڈ پر دھاوا بول دیا اور وکٹیں اکھاڑ دی اور کھلاڑیوں اور انتظامیہ کو شدید زدو کوب کیا ہے جس کے بعد تمام کھلاڑیوں اور انتظامیہ کو گراﺅنڈ سے باہر نکال دیا ہے۔ گراﺅنڈ انتظامیہ کا کہنا تھا کہ وی آئی پی موومنٹ پر کھیل اور کھلاڑیوں کے ساتھ ایسا سلوک ہو گا تو کرکٹ کا یہی حال ہو گا جو آج قومی کرکٹ ٹیم کا بنگلہ دیش میں ہوا ہے۔
مزید پڑھئے:لیپ ٹاپ اولاد نہ ہونے کی وجہ بن گیا
واقع پر خیبرپختونخواہ کے صوبائی وزیر مشتاق عنی نے ردعمل دیتے ہوئے کہا کہ کسی وی آئی پی کے لئے گراﺅنڈ کو خالی کرانا انتہائی شرم ناک عمل ہے اور میچ رکوا کر ہیلی کاپٹر لینڈ کرنا قابل مذمت فعل ہے۔ انہوں نے کہا کہ داماد صاحب کہیں اور بھی اتر سکتے تھے میدان کو خالی کروا کر اترنا مغلیہ ذہنیت کا عکاس ہے۔
