اسلام آباد (نیوزڈیسک) متحدہ عرب امارات کی ایمریٹس ایئرلائن پہلی دفعہ فضائی سفر کے دوران پرتعیش ریلوے کیبن کی طرز پر مکمل پرائیویٹ بیڈروم کی سہولت فراہم کررہی ہے۔
“araibianbusiness.com” کے مطابق ایئرلائن کے سینئر ایگزیکٹو شیخ ماجد کا کہنا ہے کہ کمپنی اپنے ایئربس A380 اور بوئنگ 777 طیاروں میں مکمل پرائیویسی والے بیڈ روم کی سہولت متعارف کروائے گی۔ یہ بیڈ روم کسی بھی شاندار ہوٹل یا لگژری لانچ کے بیڈرومز سے کم نہیں ہوں گے اور ان کے ساتھ روم سروس کی خدمات بھی فراہم کی جائیں گی۔ ایئرلائن کے نمائندے کے مطابق اس خصوصی سہولت کے اخراجات بھی مناسب ہوں گے جبکہ ایمریٹس ایئرلائن کے مسافروں کی پسندیدہ منزل لندن کے روٹ پر یہ سروس سب سے پہلے متعارف کروائے جانے کا امکان ہے۔