بدین (نیوزڈیسک) سندھ کے سابق وزیرداخلہ ذوالفقارمرزاپرتھانے پردھاﺅابولنے کے مقدمہ کے اندراج کے بعد پویس نے ان کوگرفتارکرنے کی کوششیں شروع کردی ہیں ۔اطلاعات کے مطابق ایس ایس پی بدین عرفان بلوچ کی قیادت میں بھاری نفری ذوالفقارمرزاکوگرفتارکرنے کی پلاننگ مکمل کرچکی ہے جبکہ دوسری طرف ذوالفقارمرزاکی بدین میں رہائشگاہ مرزافارم ہاﺅس پران کے حامیوں نے بھی پوزیشنیں سنبھال لی ہیں ۔اس سے قبل پیپلزپارٹی کی خواتین ارکان اسمبلی نے بھی اپنی پریس کانفرنس میں ذوالفقارمرزاکوآڑے ہاتھوں لیاہے ۔اطلاعات کے مطابق اگرپولیس ذوالفقارمرزاکوگرفتارکرنے کی کوشش کرتی ہے تواس سے پولیس اورذوالفقارمرزاکے حامیوں میں تصاد م کاخدشہ بڑھ جائے گاجس کے پیش نظرپولیس نے اپنے بچاﺅ اورذوالفقارمرزاکی گرفتاری کے لئے حکمت عملی تیارکرلی ہے ۔واضح رہے کہ ذوالفقارمرزاکچھ روزقبل آصف زرداری سے صلح کی پیشکش بھی مستردکرچکے ہیں جس کے بعدان کی گرفتاری اوربدین میں حالات کشیدہ ہونے کے امکانات بڑھ گئے ہیں۔