نواکشوط(نیوزڈیسک ) شمال مغربی افریقا کے ملک موریطانیہ کی 50 سالہ خاتون نے اپنی 55 شادیوں کا انکشاف کیا ہے۔مقامی میڈیا کے مطابق خاتون نے ٹی وی انٹرویو میں بتایا کہ ان کی شادی شدہ زندگی کا آغاز نوعمری میں ہی ہوگیا تھا اور ان کے اس سفر میں مختلف قسم کے مرد شریک ہوئے، خاتون کے مطابق ان کی طویل ترین شادی 15 سال چلی جب کہ بعض شادیاں 3 ماہ،2 ہفتے اوربعض تو 2 دن میں ہی اپنے انجام کو پہنچ گئیں۔خاتون نے ناکام شادیوں کا ذمہ دار اپنے سابقہ شوہروں کو قرار دیتے ہوئے کہا کہ حسد اور ان کا غیر ذمہ دارانہ رویہ انہیں علیحدگی پر مجبور کردیتا تھا تاہم 55 میں سے صرف 3 شوہر ایسے تھے جن کے ساتھ رہ کر انہوں نے خود کو محفوظ تصور کیا۔واضح رہے کہ موریطانیہ افریقا کا ایسا ملک ہے جہاں غیرشادی شدہ خواتین ایک بڑی تعداد موجود ہے۔

مزید پڑھئے:دینا کے امیر ممالک کے مقابلے میں امریکہ میں خواتین کا بچے کی پیدائش کے دوران مرنے کا زیادہ امکان