اسلام آباد (مانیٹرنگ ڈیسک )تحریک انصاف نے ایک مرتبہ پھر جماعت اسلامی کے سامنے گھٹنے ٹیک دئیے، آئندہ اتحاد اور حکومت میں شامل نہ کرنے کے اعلان کے بعد بڑا یوٹرن ، وزیراعلیٰ پرویز خٹک نے سراج الحق سے صوبائی حکومت چھوڑنے کا فیصلہ واپس لینے کی استدعا کر دی۔ تفصیلات کے مطابق تحریک انصاف نے ایک بار پھر بڑا یوٹرن لیتے ہوئے جماعت اسلامی کے
سامنے گھٹنے ٹیک دئیے ہیں۔ وزیراعلیٰ پرویز خٹک نے جماعت اسلامی کے امیر سراج الحق سے خیبرپختونخواہ حکومت سے علیحدگی کا فیصلہ واپس لینے کی استدعا کر دی ہے جس کے جواب میں جماعت اسلامی نے فیصلہ متحدہ مجلس عمل کی قیادت پر چھوڑ دیا ہے۔ وزیراعلیٰ پرویز خٹک نے گزشتہ روزاسلام آباد میں امیر جماعت اسلامی سینٹر سراج الحق سے ملاقات کی، ملاقات کے دوران جماعت اسلامی کی جانب سے صوبائی مخلوط حکومت چھوڑنے کے فیصلے پر تفصیلی تبادلہ خیال کیا گیا۔پرویزخٹک نے استدعا کی کہ حکومت کی مدت میں کچھ ہی دن رہ گئے ہیں جس کے لئے پانچ سالہ رفاقت نہ چھوڑی جائے۔ امیرجماعت اسلامی کا موقف تھا کہ اب جماعت اسلامی سیاسی لحاظ سے ایم ایم اے کاحصہ ہے اور حکومت چھوڑنے کا فیصلہ ایم ایم اے کا ہے اس لئے وہ ایم ایم اے سربراہی اجلاس میں وزیراعلیٰ کاموقف سامنے لائیں گے۔واضح رہے کہ جماعت اسلامی نے رواں ہفتے مخلوط حکومت چھوڑنے کا اعلان کر رکھا ہے۔ جس کے حوالے سے حتمی فیصلہ آج اسلام آباد میں ہونے والے ایم ایم اے سربراہی اجلاس میں ہونے کا امکان ہے۔وزیراعلیٰ پرویز خٹک نے گزشتہ روزاسلام آباد میں امیر جماعت اسلامی سینٹر سراج الحق سے ملاقات کی، ملاقات کے دوران جماعت اسلامی کی جانب سے صوبائی مخلوط حکومت چھوڑنے کے فیصلے پر تفصیلی تبادلہ خیال کیا گیا۔
پرویزخٹک نے استدعا کی کہ حکومت کی مدت میں کچھ ہی دن رہ گئے ہیں جس کے لئے پانچ سالہ رفاقت نہ چھوڑی جائے۔ امیرجماعت اسلامی کا موقف تھا کہ اب جماعت اسلامی سیاسی لحاظ سے ایم ایم اے کاحصہ ہے اور حکومت چھوڑنے کا فیصلہ ایم ایم اے کا ہے اس لئے وہ ایم ایم اے سربراہی اجلاس میں وزیراعلیٰ کاموقف سامنے لائیں گے۔واضح رہے کہ جماعت اسلامی نے رواں ہفتے مخلوط حکومت چھوڑنے کا اعلان کر رکھا ہے۔ جس کے حوالے سے حتمی فیصلہ آج اسلام آباد میں ہونے والے ایم ایم اے سربراہی اجلاس میں ہونے کا امکان ہے۔
