ابو ظہبی۔۔۔۔ پاکستان نے آسٹریلیا کے خلاف دوسرے ٹیسٹ کے پہلے روز کھانے کے وقفے پرایک وکٹ کے نقصان82رنز بنائے ہیں۔ محمد حفیظ36اور اظہرعلی11رنزکے ساتھ کریز پر موجود ہیں۔ابوظہبی کے شیخ زید اسٹیڈیم میں کھیلے جارہے میچ میں کپتان مصباح الحق نے ٹاس جیت کر بیٹنگ کا فیصلہ کیا۔اوپنر احمد شہزاد اور محمد حفیظ نے 57رنز کا اچھا آغاز فراہم کیا،کھیل کے پہلے سیشن میں آسٹریلوی ٹیم کوواحد کامیابی احمد شہزاد کی وکٹ کی صورت میں ملی، وہ 35رنز بناکر لیون کی گیند پر ایل بی ڈبلیو ہوئے۔دبئی ٹیسٹ میں شکست سے دوچار ہونے والی آسٹریلوی ٹیم میں دو تبدیلیاں کی گئی ہیں۔اسٹیو او کیف اور ایلکس ڈولین کو ٹیم سے ڈراپ کرکے مچل اسٹارک اور گلین میسکویل فائنل الیون کا حصہ بنائے گئے ہیں، جبکہ پاکستان نے پہلے ٹیسٹ کی وننگ الیون کو برقراررکھا ہے۔ پاکستانی کپتان مصباح الحق نے کہنا تھا کہ وکٹ بیٹنگ کے لیے سازگار لگ رہی ہے۔ دو میچوں پر مشتمل ٹیسٹ سیریز میں پاکستان ایک صفر کی برتری حاصل ہے،دبئی ٹیسٹ میں مصباح الیون نے کینگروز کو 221سے شکست دی تھی
ابو ظہبی ٹیسٹ ، پاکستان کے کھانے کے وقفے تک ایک وکٹ کے نقصان82رنز
30
اکتوبر 2014
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں