لاہور/رائے ونڈ(نیوز ڈیسک) رائے ونڈ میں پولیس چیک پوسٹ کے قریب دھماکے کی اطلاع ملتے ہی رینجرز کوئیک رسپانس کے جوان فوری موقع پر پہنچ گئے اور سکیورٹی فرائض سنبھال لئے۔ رینجرز اور دیگر حساس اداروں کی جانب سے اطراف کے علاقوں میں سرچ آپریشن بھی کیا گیا۔ رائے ونڈ میں دھماکے کے فوری بعد تبلیغی جماعت کے ڈنڈا برداروں نے سکیورٹی کے فرائض سنبھال لئے۔
تفصیلات کے مطابق چیک پوسٹ پردھماکے کے بعد اجتماع گاہ میں بھی افرا تفری مچ گئی اور معمول کے دنوں میں فرائض سر انجام دینے والے ڈنڈا بردار محافظوں کی ایک بڑی تعداد نے اجتماع گاہ کو اپنے حصار میں لے لیا۔ اسی دوران اجتماع گاہ میں موجود مندوبین نے اونچی آواز میں قرآن پاک کی تلاوت بھی شروع کر دی۔انجمن تاجران لاہور کے صدر میاں طارق فیروز و جوائنٹ سیکرٹری میاں سلیم نے رائیونڈ میں ہونے والے دھماکے کی پرزور مذمت کرتے ہوئے کہا ہے کہ 7 شہداء4 اور زخمیوں کے لواحقین کے غم میں برابر کے شریک ہیں۔یہ بات انہوں نے گزشتہ روز رائیونڈ کے علاقہ میں ہونے والے دھماکے کے بعد اپنے مشترکہ بیان میں کہی۔ انہوں نے کہا کہ شہریوں کی قیمتی جانوں سے کھیلنے والے ملک و قوم کے کسی صورت خیر خواہ نہیں ہیں۔ انہوں نے پنجاب حکومت سے مطالبہ کیا ہے کہ رائیونڈ دھماکے کے مرتکب افراد کو جلد کیفرکردار تک پہنچایا جائے۔انہوں نے کہاکہ کے پاکستان اب مزید اس طرح کے دھماکوں کا متحمل نہیں ہے ، ملک میں جاری سیاسی عدم استحکام اور معاشی گراوٹ ملکی بنیادوں کو نقصان پہنچا رہی ہے،دھماکے کے باعث شہریوں میں عدم تحفظ کی لہر دوڑ گئی ہے۔لاہور ٹریڈرز رائٹس فورم کے صدر سرداراظہر سلطان ، سینئر وائس چیئرمین راؤ خورشید علی نے رائیونڈ میں ہونے والے دھماکے کی پروز مذمت کرتے ہوئے 7 شہداء4 اور زخمیوں کے لواحقین کے غم میں برابر کے شریک ہیں۔
یہ بات انہوں نے گزشتہ روز رائیونڈ کے علاقہ میں ہونے والے دھماکے کے بعد اپنے مشترکہ بیان میں کہی۔ انہوں نے کہا کہ شہریوں کی قیمتی جانوں سے کھیلنے والے ملک و قوم کے کسی صورت خیر خواہ نہیں ہیں۔ انہوں نے پنجاب حکومت سے مطالبہ کیا ہے کہ رائیونڈ دھماکے کے مرتکب افراد کو جلد کیفرکردار تک پہنچایا جائے۔انہوں نے کہاکہ کہ پاکستان اب مزید اس طرح کے دھماکوں کا متحمل نہیں ہے۔
