اسلام آباد(مانیٹرنگ ڈیسک)جہانگیر ترین عمران خان کی تیسری شادی سے خوش نہیں تھے، عمران خان نے تیسری شادی کر کے جہانگیر ترین کو فون کیا اور کہا کہ میں نے یہ شادی اس لئے کی تا کہ آپ اگلا الیکشن جیت سکیں،شادی کی مبارکباد نہ دینے پر شکوہ، ولیمہ کے دوران بشریٰ بی بی اور جہانگیر ترین جب آمنے سامنے آئے تو بشریٰ بی بی کا اس موقع پرجہانگیر خان ترین کو کہنا تھا کہ
’’میں آپ کو بتانا چاہتی ہوں کہ میں کوئی جادوگرنی نہیں ہوں، ولیمے کے دوران کیا کچھ ہوتا رہا ، عمران خان کی تیسری شادی کی خبر بریک کرنے والے صحافی عمر چیمہ سب احوال سامنے لے آئے۔ تفصیلات کے مطابق عمران خان کی تیسری شادی کی خبر بریک کرنے والے صحافی عمر چیمہ نے عمران خان کی تیسری شادی کے ولیمے کا احوال اپنی رپورٹ میں منکشف کرتے ہوئے کہا ہے کہ شادی کے بعد عمران خان نے جہانگیر ترین کو فون کر کے شکایت کی کہ انہوں نے شادی کی مبارکباد نہیں دی ، عمران خان کا جہانگیر ترین سے کہنا تھا کہ انہوں نے تیسری شادی اس لئے کی ہے کہ تا کہ آپ اگلا الیکشن جیت سکیں۔عمر چیمہ کی رپورٹ میں انکشاف کیا گیا ہے کہ جہانگیر ترین بشریٰ بی بی کے حوالے سے خدشات کا شکار ہیںولیمہ کی تقریب میں شریک ایک مہمان کے حوالے سے انہوں نے اپنی رپورٹ میں لکھا ہے کہ جب ولیمہ کے بشریٰ بی بی اور جہانگیر ترین دونوں آمنے سامنے آئے تو عمران خان نے دونوں کا تعارف ایک دوسرے سے کروایا۔ اس موقع پر بشریٰ بی بی نے جہانگیر ترین کو مخاطب کرتے ہوئے کہا کہ ’’میں آپ کو بتانا چاہتی ہوں کہ میں کوئی جادوگرنی نہیں ہوں۔‘‘رپورٹ میں ذرائع کے حوالے سے کہا گیا ہے کہ جہانگیر ترین کے ان کے بارے میں خیالات مختلف تھے اور بشریٰ چاہتی تھیں کہ انہیں اس بارے میں علم ہو کہ وہ جانتی ہیں۔
