کراچی (مانیٹرنگ ڈیسک) ایم کیو ایم کے رہنماؤں کی آپس کی لڑائی کی وجہ سے سینٹ کے انتخابات میں ایم کیو ایم کو ناکامی کا سامنا کرنا پڑا اور وہ صرف ایک نشست ہی جیتنے میں کامیاب ہو سکی۔ اس نشست کے بارے میں دلچسپ امر یہ ہے کہ ابتدائی نتائج کے مطابق ایم کیوایم اپنی تمام سیٹوں سے ہاتھ دھو بیٹھی تھی لیکن ایم کیو ایم کے امیدوار فروغ نسیم نے نتیجہ تسلیم کرنے سے انکار کر دیا اور ووٹوں کی گنتی دوبارہ کرانے کی درخواست کی جس میں فروغ نسیم ٹیکنیکل بنیادوں پر آگے نکل گئے ہیں اور کامیاب ٹھہرے،

ایک نجی ٹی وی چینل کے مطابق دونوں امیدواروں کے ووٹوں کی پانچ بار گنتی کی گئی اور ٹیکنیکل بنیادوں پر ایم کیو ایم کے رہنما فروغ نسیم کو کامیاب قرار دے دیا گیا۔ واضح رہے کہ سندھ میں پیپلز پارٹی کا پلڑا بھاری رہا، 12میں سے 10 نشستوں پر پیپلزپارٹی نے کامیابی حاصل کی، ایک نشست پر فنکشنل لیگ کے مظفر شاہ اور ایک نشست پر ایم کیو ایم کے فروغ نسیم کامیاب قرار پائے۔ جیت جن کا مقدر ٹھہری ان میں مولابخش چانڈیو، رضا ربانی، مصطفیٰ نوازکھوکھر، امام دین شوقین اور محمدعلی شاہ جاموٹ شامل ہیں۔ سندھ سے جنرل نشست پر فنکشنل لیگ کے مظفر شاہ اور ایم کیوایم کے فروغ نسیم ٹیکنیکل پوائنٹس کی بنیاد پر کامیاب قرار دیے گئے۔ پیپلز پارٹی کے انور لال ڈین اقلیتی نشست پرکامیاب ہوئے، خواتین کی نشستیں بھی پیپلز پارٹی کی امیدوار کرشنا کوہلی اور عینی مری نے جیت لیں۔ ٹیکنوکریٹس کی نشستوں پر سکندر میندھرو اور رخسانہ زبیری کامیاب ٹھہرے۔ واضح رہے کہ ابتدا میں فروغ نسیم اور رضا ربانی میں فروغ نسیم کو فاتح قرار دیا گیا تھا۔تاہم سابق چیئرمین سینٹ رضا ربانی بھی جنرل نشست پر کامیاب قرار دیے گئے ہیں۔  ایم کیو ایم کے رہنماؤں کی آپس کی لڑائی کی وجہ سے سینٹ کے انتخابات میں ایم کیو ایم کو ناکامی کا سامنا کرنا پڑا اور وہ صرف ایک نشست ہی جیتنے میں کامیاب ہو سکی۔ اس نشست کے بارے میں دلچسپ امر یہ ہے کہ ابتدائی نتائج کے مطابق ایم کیوایم اپنی تمام سیٹوں سے ہاتھ دھو بیٹھی تھی لیکن ایم کیو ایم کے امیدوار فروغ نسیم نے نتیجہ تسلیم کرنے سے انکار کر دیا اور ووٹوں کی گنتی دوبارہ کرانے کی درخواست کی جس میں فروغ نسیم ٹیکنیکل بنیادوں پر آگے نکل گئے