اسلام آباد (نیوز ڈیسک ) آپ  نے بھارت میں بڑھتے ہوئے ریپ کے واقعات کے بارے میں تو سن رکھا ہوگالیکن اس کی انتہائی اہم وجہ سامنے آئی ہے کہ وہاں خواتین کی شدید کمی ہے۔بھارتی حکومت کے مردم شماری کے اعدادوشمار کے مطابق اس وقت ملک بھر میں شادی کے قابل مردوں کے لئے خواتین کی شدید کمی ہے ۔

اعدادوشمار سے یہ آشکار ہوا ہے کہ 20 اور30سال کے درمیان کے5.63کروڑ مردوں کے لئے 2.07کروڑ ہم عمرخواتین موجود ہیں یعنی 3.55کروڑ خواتین کی واضح کمی ہے۔اسی طرح 30سے40سال کے درمیانی عمر کے 70.1لاکھ افراد کے لئے 22.1لاکھ خواتین شادی کے لئے دستیاب ہیں اور 47.91لاکھ مردوں کے لئے دلہنیں ہی موجودنہیں ہیں۔اسی طرح 40سال سے زائد مردوں کی تعداد 16.92لاکھ ہے جبکہ ان کے لئے 8.67لاکھ ہم عمر خواتین موجود ہیں۔ اگر تمام اعداد وشمار کو ملا کردیکھا جائے تو 6.5کروڑ دولہوں کے لئے 2.38کروڑ دلہنیں موجود ہیں۔ دوسرے الفاظ میں پانچ میں سے تین مردوں کے لئے ہم عمر دلہنیں دستیاب نہیں ہیں۔ لڑکیوں کی کمی کی بڑی وجہ دوران حمل ہی انہیں ماردینا بتائی جاتی ہے۔ٹائمز آف انڈیا کے مطابق 1970،80اور90کی دہائی میں لاکھوں لڑکیوں کو ان کے والدین نے جنس کے معلوم ہونے پر دوران حمل ہی ضائع کردیا جس کی وجہ سے اب یہ صورتحال پیدا ہوچکی ہے۔