پشاور (نیوزڈیسک ) پشاور میں طوفانی بارش نے قیامت خیز تباہی مچادی ، چھتیں اور دیواریں گرنے سے بچوں اور خواتین سمیت چوالیس افراد جان ہار گئے ، دو سو سے زائد افراد زخمی بھی ہوگئے ، پاک فوج کے جوان متاثرہ علاقوں میں پہنچ گئے۔ پشاور میں باران رحمت پیغام اجل بن کر ٹوٹ پڑی ، شام ڈھلتے ہی گہرے بادل چھائے اور کچھ دیر بعد خوفناک آندھی کے ساتھ طوفانی بارش شروع ہوگئی جس نے دیکھتے ہی دیکھتے پشاور اور نواحی علاقوں میں ہر طرف تباہی مچا دی۔ بارش کے ساتھ کئی علاقے میں اولے بھی برس پڑے۔ 110 کلومیٹر فی گھنٹہ کی رفتار سے چلنے والی تیز آندھی نے بجلی کے دیوقامت کھمبے اور ٹرانسفارمرز بھی گرا دیئے۔ بعض مقامات پر کھمبے اور ٹرانسفارمر گرنے سے گاڑیاں بھی تباہ ہوگئیں۔ بجلی اور ٹیلی فون کے کھمبے گرنے سے پشاور اندھیرے میں ڈوب گیا ، مواصلات کا نظام بھی درہم برہم ہو گیا۔ ہوا کی شدت کے سامنے موٹر وے ٹول پلازہ کے بوتھ بھی نہ ٹھہر سکے۔ غصبناک آندھی سے درخت بھی جڑوں سے اکھڑ گئے ، کچے مکانوں کی دیواریں اور چھتیں بھی گر گئیں جس سے بے شمار افراد ملبے تلے دب گئے۔ درخت اور بجلی کے پول گرنے سے راستے بھی بند ہوگئے جس سے امدادی کاموں میں مشکلات بڑھ گئیں اور انتظامیہ مفلوج ہو کر رہ گئی جس کے باعث فوج کے دستوں کو طلب کرنا پڑا۔ طوفانی بارش ، ڑالہ باری اور تْند ہواؤں نے ہر طرف بربادی اور تباہی پھیلا دی۔ مرنے والوں میں بچے عورتیں بھی شامل ہیں۔ واحد گڑھی میں ایک ہی خاندان کے 6 افراد لقمہ اجل بن گئے۔ پشاور کے ہسپتالوں میں ایمرجنسی نافذ کر دی گئی ، لیڈی ریڈنگ ہسپتال میں عورتوں اور بچوں سمیت زخموں سے چْور 200 سے زائد افراد لائے گئے۔ لیڈی ریڈنگ ہسپتال میں غم سے بیحال زخمیوں کے اہل خانہ مناسب طبی سہولیات اور ادویات کی عدم فراہمی پر شکوہ کناں رہے۔ سیکرٹری صحت مشتاق جدون کے مطابق مریضوں کو مفت ادویات دے رہے ہیں۔ کمشنر پشاور ریاض مہسود کا کہنا ہے کہ بڑے پیمانے پر تباہی ہوئی ہے ، نواحی علاقوں میں پل بھی گر گئے۔ ایم ڈی بیت المال نے مرنے والوں کے لواحقین کے لئے پچاس پچاس ہزار جبکہ زخمیوں کے لئے پچیس پچیس ہزار روپے امداد کا اعلان کیا ہے۔
پاک فوج کے جوان بارش سے متاثرہ علاقوں میں امدادی کاموں میں مصروف
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
پاکستان سمیت 15 ممالک کا برطانیہ، آسٹریلیا کے اسرائیل پر پابندیاں لگانے کے فیصلے کا خیرمقدم
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
3بچوں کی پراسرار اموات کا معمہ حل،ماں ہی قاتل نکلی



















































