لاہو ر(این این آئی) لاہورکے علاقہ جوہرٹاؤن میں واقع فرنیچر مارکیٹ کے قریب دکان میں سلنڈ دھماکہ ہونے سے آگ بھڑک اٹھی جس نے دیکھتے ہی دیکھتے قریبی واقع فرنیچر مارکیٹ کی دکانوں کوا پنی لپیٹ لے لیا جس سے 5افراد زخمی ہوئے جن کو طبی امداد کیلئے قریبی ہسپتال منتقل کردیاگیا جبکہ لاکھوں مالیت کا سامان بھی جل کر خا کسترہوگیا ، اطلاع ملتے ہی فائر برگیڈ کی ٹیمیں موقع پر پہنچ گئیں اور چار گھنٹوں کے بعد آگ پر قابوپالیا گیا ۔بتایاگیا ہے کہ لاہورکے علاقے جوہرٹاؤن میں واقع فرنیچر مارکیٹ کے قریب دکان پر کار کے
سلنڈ میں ری فلنگ کے دوران دھماکہ ہونے سے آگ بھڑک اٹھی جس نے دیکھتے ہی دیکھتے فرنیچر مارکیٹ کی تمام دکانوں کو بھی اپنی لپیٹ میں لے لیا ۔آسمان پر سیاہ گہرے بادل چھا گئے جبکہ قریبی گھروں اورعمارتوں کے شیشے بھی ٹوٹ گئے جس سے لوگوں میں خوف ہراس پھیل گیا اورلوگ اپنے گھروں سے باہر نکل آئے ۔ آگ لگنے سے فرنیچر مارکیٹ کی دکانوں پر پڑا لاکھوں مالیت کا سامان جل کر خا کسترہوگیا ۔ اطلاع ملتے ہی فائر برگیڈ کی ٹیمیں موقع پر پہنچ گئیں اور چار گھنٹوں کی جدوجہد کے بعد فرنیچر مارکیٹ میں لگی آگ پر قابوپالیا ۔ فرنیچر مارکیٹ میں لگنے والی آگ سے خاتون سمیت 5افراد شدید زخمی ہوئے جن کو طبی امداد کے لئے قریبی ہسپتال منتقل کردیاگیا ۔جبکہ ریسکیو کے ذرائع کے مطابق آگ خشک لکڑی اور مارکیٹ میں موجود فوم کے باعث پھیلی ۔
