اٹک (مانیٹرنگ ڈیسک)  تھانہ صدراٹک کی حدودماڑی گاؤں میں قتل کی لرزہ خیز واردات میں باپ نے دو بیٹیوں اور بیوی کو فائرنگ کرکے قتل کر دیا ٗ فائرنگ کے نتیجے میں بیٹا شدید زخمی ہوگیا ٗجسے ہسپتال منتقل کر دیا گیا۔تھانہ صدر کی حدود ماڑی گاؤں میں رشتے کے

تنازع پر آصف شاہ نے اپنی بیوی، بیٹیوں 26سالہ کومل اور 24سالہ رداکو فائرنگ کر کے قتل کر دیا جبکہ اس کا15 سالہ بیٹا اشتر شاہ شدید زخمی ہے ۔ابتدائی تحقیقات کے مطابق آصف شاہ پرائیویٹ کار چلاتا ہے، بڑی بیٹی کا رشتہ دینے سے انکاری تھا جس پر گھر میں جھگڑا رہتا تھا تمام گھروالے اس بات پر بضد تھے کہ رشتہ اسی جگہ ہونا چاہئے مگرباپ نے اپنی مرضی کے خلاف فیصلہ ہوتے دیکھ کر علی الصبح فائرنگ کرکے دوبیٹیوں اوربیوی کو قتل کردیا جبکہ اس کا جواں سال بیٹا زخمی ہے جس کی حالت تشویشناک بتائی جارہی ہے۔پولیس اور ریسکیو کے عملہ نے موقع پر پہنچ لاشوں کو قبضہ میں لے ہسپتال منتقل کر دیا ہے ٗ پولیس نے شواہد اکٹھے کرلیے۔واردات کے بعد ملزم فرار ہونے کامیاب ہوگیا ٗ ڈی پی او اٹک عبادت نثار نے ملزم کی گرفتاری کیلئے ٹیمیں تشکیل دے دی ہیں۔ ملزم کی تلاش شروع کر دی گئی  تھانہ صدراٹک کی حدودماڑی گاؤں میں قتل کی لرزہ خیز واردات میں باپ نے دو بیٹیوں اور بیوی کو فائرنگ کرکے قتل کر دیا ٗ فائرنگ کے نتیجے میں بیٹا شدید زخمی ہوگیا ٗجسے ہسپتال منتقل کر دیا گیا۔