کراچی ( نیوز ڈیسک )پیپلز پارٹی کراچی کے ککری گراؤنڈ میں عوامی طاقت کا مظاہرہ کرنے کے لئے جلسہ عام منعقد کرے گی ، جلسے سے ا صف علی زرداری خطاب کریں گے ، تیاریاں مکمل کرلی گئیں ، سیکورٹی کے لئے دس ہزار اہلکار تعینات ہوں گے۔ پیپلز پارٹی ا ج لیاری کے ککری گراؤنڈ میں عوامی طاقت کا مظاہرہ کرے گی۔ شام کو منعقد ہونے والے جلسے سے پارٹی کے شریک چئیرمین ا صف علی زرداری ، وزیر اعلیٰ سندھ سید قائم علی شاہ اور مرکزی قائدین خطاب کریں گے۔ اس جلسے سے پیپلز پارٹی عوامی رابطہ مہم کا ا غاز کرے گی۔ جلسے کے انتظامات مکمل کرلئے گئے ہیں۔ 60 فٹ لمبا 24 فٹ چوڑا اور 20 فٹ اونچا سٹیج تیار کرلیا گیا ہے اور اس کے عقب میں ایک بڑی سکرین نصب کی گئی ہے۔ جلسہ گاہ میں 25 ہزار سے زائد کرسیاں لگائی گئی ہیں۔ جلسہ گاہ کے اندر اور اطراف کی عمارتوں پر پیپلز پارٹی کے پرچم ، ذوالفقار علی بھٹو ، بے نظیر بھٹو ، ا صف علی زرداری اور بلاول بھٹو کی تصاویر پر مبنی سکرینز لگائی گئی ہیں۔ جلسہ کا ا غاز شام پانچ بجے ہوگا۔ جلسے کے شرکا ریلیوں کی شکل میں پہنچیں گے۔ اویس مظفر کی قیادت میں ایک ریلی سٹار گیٹ شاہراہ فیصل سے نکالی جائے گی۔ جلسے کی سیکورٹی کے خصوصی اقدامات کئے گئے ، جلسہ گاہ میں شرکا واک تھرو گیٹ سے داخل ہوں گے۔ جلسہ گاہ اور اطراف کی سیکیورٹی کے لیے 10 ہزار اہلکار تعینات ہونگے۔ جلسہ گاہ کے اطراف کی عمارتوں کی چھتوں اور مرکزی دروازے پر بھی پولیس کے اہلکار تعینات ہونگے۔ جلسہ گاہ اور اطراف کی سویپنگ کے لیے بم ڈسپوزل سکواڈ کی 27 ٹیمیں تشکیل دی گئی ہیں۔