نصیرآباد(مانیٹرنگ ڈیسک) جمہوری وطن پارٹی کے مرکزی سربراہ نوابزادہ شازین بگٹی نے کہا ہے کہ جمہوری وطن پارٹی ایک محب وطن جماعت پارٹی کو ہر دور میں دیوار سے لگانے کی کوشش کی گئی مگر شہید وطن نواب اکبر خان بگٹی کے فلسفے کے پیروکار ہمیشہ ثابت قدم رہے۔ملک کی طرف کسی نے آنکھ بھی اٹھائی تو سب سے پہلے جے ڈبلیو پی کے کارکن اور بگٹی قوم قربانی دیں گے۔

آئندہ انتخاب میں پارٹی چاروں صوبوں سے انتخابات میں حصہ لے گی اور کامیابی حاصل کرے گی۔ وہ ڈیرہ مراد جمالی میں بہت بڑے جلسہ عام سے خطاب کر رہے تھے ۔جلسہ میں ہزاروں افراد نے شرکت کی۔ نوابزادہ شازین بگٹی نے کہا کہ کہ آج بھی بگٹی اپنے وطن میں مہاجرین کی زندگی بسر کر رہے ہیں گرمیوں کے بعد تمام بگٹی قبائل کو اپنی سربراہی میں ڈیرہ بگٹ8ی آباد کروں گا۔گیارہ سال پارٹی اور کارکنوں نے مشکل حالات دیکھے اب وہ دور گزر چکا۔ہماری غیر حاضری سے منتخب ہونے والوں نے حکومتی وسائل لوٹے عوام کو کوئی ریلیف نہیں دیا علاقے کی حالت آج بھی ویسے ہے۔بلوچستان کی تعمیر اور عوام کی خوشحالی کے وژن کے ساتھ شہید نواب اکبر خان بگٹی نے جمہوری وطن پارٹی کی بنیاد رکھی جسے ہم عملی جامہ پہنائین گے اور صوبے کی عوام کو خوشحالی دلائیں گے۔انہوں نے کہا کہ نواب ثناء اللہ زہری کو وزیر اعلی رہنا چاہئے ہم ایک بلوچ کی حیثیت سے اس کی حمایت کرتے ہیں مگر عوام صوبائی حکومت کی کارکردگی سے سخت مایوس ہیں۔انہوں نے کہا کہ وقت قریب ہے آنے والے انتخاب میں عوام لٹیروں کا محاسبہ کرتے ہوئے جمہوری وطن پارٹی کے امیدواروں کے حق میں ووٹ دیں۔تاکہ شہید نواب اکبر خان بگٹی کے خوشحال بلوچستان کے خواب کو عملی جامع پہنایا جا سکے۔ نوابزادہ شازین بگٹی نے کہا ہے کہ جمہوری وطن پارٹی ایک محب وطن جماعت پارٹی کو ہر دور میں دیوار سے لگانے کی کوشش کی گئی مگر شہید وطن نواب اکبر خان بگٹی کے فلسفے کے پیروکار ہمیشہ ثابت قدم رہے۔