اسلام آباد/نیویارک(آن لائن) اقوام متحدہ کے سیکرٹری جنرل اینتونیوگرترلیس نے نئے سال کی آمد پر اپنے پیغام میں کہا ہے کہ 2017 کے آغاز میں امن کی اپیل کی تھی بدقسمتی سے امن کا عمل اکٹھا ہوگیا اس لئے 2018کے آغاز میں امن کی اپیل کی بجائے امن کاریڈالرٹ جاری کررہاہوں کیونکہ غیر ملکیوں سے نفرت کی وجہ سے عالمی تنازعات بڑھ گئے ہیں اور نئے خطرات نے جنم لے لیا ہے تفصیلات کے مطابق

اتوار کے روز اقوام متحدہ کے سیکرٹری جنرل اینتونیوگرترلیس نے نئے سال کی آمد کے موقع پر اپنے پیغام میں کہا کہ ہمارے مستقبل کا انحصار ریکجہتی کے راستے پر ہے اس لئے عالمی رہنما نئے سال کی آمد پر اختلافات دور کرنے کا عزم کرتے ہوئے مشترکہ مقاصد کے حصول کے لئے عوام کو قریب لاکر اعتماد بحال کریں اس طرح یقیناً ہم دنیا کو مزید محفوظ بناسکتے ہیں سیکرٹری جنرل نے کہا کہ عالمی تنازعات بڑھنے سے نئے خطرات نے

جنم لے لیا ہے جبکہ سرد جنگ کے نتیجے میں عالمی سطح پر ایٹمی ہتھیاروں کے خطرات میں اضافہ ہوا ہے انہوں نے کہا کہ عالمی ماحولیات میں تبدیلی ہماری سوچ سے زیادہ تیزی سے ہورہی ہے اور عدم مساوات میں اضافے کے ساتھ ساتھ انسانی حقوق کی سنگین خلاف ورزیوں کے باعث قوم پرستی اور غیر ملکیوں سے نفرت میں اضافہ ہورہا ہے سیکرٹری جنرل نے کہا کہ 2017 کے آغاز میں امن کی اپیل کا اُلٹا اثر ہوا اس لئے 2018 کے آغاز میں امن کی اپیل کی بجائے امن کاریڈالرٹ جاری کررہا ہوں