اسلام آباد(این این آئی)چیف میٹرولوجسٹ ڈاکٹر محمد حنیف نے پیشگوئی کی ہے کہ نئے سال کا آغاز پاکستان میں سردی کی لہر سے ہوگا۔ایک انٹرویومیں ڈاکٹر محمد حنیف نے بتایا کہ ہفتے کے اختتام پر سرد ہواؤں کا سلسلہ پاکستان میں داخل ہوگا۔انہوںنے کہاکہ گلگت سے کراچی تک یخ بستہ ہوائیں تمام علاقوں کو لپیٹ میں لیں گی تاہم سرد ہواؤں کا زیادہ زور بلوچستان میں رہے گا۔محمد حنیف کے مطابق 2 روز بعد کوئٹہ سمیت بلوچستان میں درجہ

حرارت نقطہ انجماد سے گر جائے گا۔انہوں نے بتایا کہ کراچی سمیت سندھ کی ساحلی پٹی اور میدانی علاقوں میں سرد ہوائیں داخل ہوں گی۔دوسری جانب پاکستان کے بالائی علاقے بھی سرد ہواؤں کے زیرِ اثر آئیں گے۔ڈاکٹر محمد حنیف نے کہا کہ آنے والے دنوں میں اچھی بارش یا برف باری کا امکان نہیں۔انہوں نے بتایا کہ جنوری میں معمول سے کم بارشیں ہوں گی ٗبارشیں کم ہونے سے کولڈ ویو اور دھند بنتی ہے جس سے میدانی علاقوں میں شدید دھند رہے گی اور موٹروے اور جی ٹی روڈ کے راستے متاثر ہوں گے۔