کوئٹہ (این این آئی)پشتونخواء ملی عوامی پارٹی کے رکن صوبائی اسمبلی پبلک اکاؤنٹس کمیٹی کے چےئر مین مجید خان اچکزئی کو ضمانت پر کوئٹہ ڈسٹرکٹ جیل سے رہا کر دیا گیا سپرٹینڈنٹ جیل خود باہر تک چھوڑنے آئے ۔تفصیلات کے مطابق کوئٹہ میں ٹریفک سارجنٹ عطاء اللہ کی رکن بلوچستان اسمبلی عبدالمجید اچکزئی کی گاڑی سے ٹکر میں ہلاکت کے کیس میں گزشتہ روز فیصلہ سناتے ہوئے کوئٹہ کی انسداد دہشت گردی عدالت نے عبدالمجید اچکزئی
کی ضمانت منظور کی تھی جس کے بعد مجید خان اچکزئی کو جمعہ کو کوئٹہ ڈسٹرکٹ جیل سے رہا کردیا گیا جیل سے رہائی پر پشتونخوا میپ کے کارکنوں اور دیگر افراد نے مجید اچکزئی کا جیل کے باہر استقبال کیا اور پھول برسائے جب کہ ان کے حق میں نعرے بازی بھی کی گئی عبدالمجیداچکزئی کو رہائی کے بعد جیل سپرنٹنڈنٹ اسحاق زہری باہر تک چھوڑنے بھی آئے مجید خان اچکزئی کو قافلے کی صورت میں سیٹلائٹ ٹاؤن میں انکی رہا ئش گاہ پہنچا یا گیا جہاں ان کا پر تباک استقبال کیا گیا ۔ واضح رہے مجید خان اچکزئی کوشہری کے اغوا کیس اور گاڑی ٹیمپرنگ کیس میں بھی بری کیا جاچکا ہے۔
