ٹوکیو (سی پی پی )جاپانی سائنسدانوں نے ایسا شیشہ تیار کرنے کا دعوی کیا ہے جس کو ٹوٹنے پر محض 30 سیکنڈ تک دبا کر رکھنے سے دوبارہ جوڑا جا سکتا ہے۔جاپانی میڈیا رپورٹس کے مطابق اس خاصیت سے شیشے کی 10 تا 20 سال کی موجودہ عمر میں3 گنا اضافہ ہو جائے گا اور اسے موبائل فون کی سکرینز، گاڑیوں اور عمارتوں میں استعمال کیا جائے گا۔جاپانی سائنسدانوں کی جانب سے جاری کردہ بیان میں کہا گیا
انہوں نے یہ شیشہ گیلی سطح پر چپکنے کی صلاحیت رکھنے والے مواد پر تحقیق کے دوران حادثاتی طور پر تیار کر لیاہے،اس کی تیاری میں پولی ایتھرتھی اوریاز کا استعمال کیا گیا ہے ،جو ٹوٹی ہوئی سطح کو آپس میں جوڑنے کے لئے ہائیڈروجن بانڈنگ کا استعمال کرتا ہے،
اگرچہ اس کے استعمال اور تیاری کو بڑے پیمانے پر فروغ دینے کے لئے ابھی طویل تحقیق درکار ہے، لیکن کامیابی کی صورت میں اس سے بنی موبائل فون سکرین کو محض کچھ سیکنڈ تک دبا کر رکھنے سے جوڑا جا سکے گا اور سکرین اپنی اصلی حالت میں واپس آ جائے گی۔
